Welkom bie de Grunneger Sproak

24. aug, 2017

 

De Grunneger Sproak zet zok al sunt 1919 in veur t bevordern en t in stand holden van de Grunneger toal en cultuur.  Hail laank het De Grunneger Sproak n verainen west, dij heur toneelveurstellens in t aigen gebaauw aan de A-kerkstroat 11 in Stad gaf. In de begunjoaren haar de verainen sikkom drijdoezend leden en wekenlaank wurden veurstellens geven tiedens zogenoamde kovvieverziedes. Meer informoatsie over de verainen vinden ie onder ‘Historie’.

 Begun 2010 is de verainen omzet in Stichting De Grunneger Sproak, omreden t gebaauw noa n lange verhuurtied weer in aigen beheer nomen is. Noam aan de gevel is dou veraanderd in  Der Aa-Theater. Mor de doulstellen is nog aaltied t zulfde, noamelk t aanpirtjen van de Grunneger toal en cultuur.

Van oktober tot en met meert wil de Grunneger Sproak in t aigen theoater aal moand n Grunnegstoalege activiteitorganiseren.De Grunneger Sproak is der nait allain veur oldern, mor wil ook jongelu belangstellen biebrengen veur de Grunneger toal en cultuur. Vanzulf as kieker bie de veurstellens, moar ook en veuraal as speuler in ain van heur veule stukken.

Wieder kinnen ie aaltied vrijwilleger worden veur allerhaande toaken. Ook veur t theoater binnen aaltied vrijwillegers neudeg.

Willen ie de Grunneger Sproak financieel steunen, din kinnen ie ook donateur worden. Veur zestien euro in t joar kinnen ie twij activiteiten van de Grunneger Sproak vergees biewonen.

De Grunneger Sproak kin ook noar joe toukommen om n veurstellen te verzörgen. De stukken binnen veur elk en ain geschikt: Culturele commissies, Grunneger verainens, Nutsdepartementen, bedriefsfeesten en zo.

 

De Grunneger Sproak is aaltied bie joe in de buurt                                                                       

 

 Veur informoatie: Ankie Bours, tel 050-5717299 email: ankiebours@home.nl

 

24. aug, 2017